Мақсаты: оқушылардың  қазақ халқының бай мұрасы  мақал-мәтелдерді терең білуін дамыту, ойлау , сөйлеу, талдау қабілеттерін арттыру, халық даналығына құрмет сезімін қалыптастыру.

"МЕКТЕБІМ-МЕЙІРІМ МЕКЕНІ !" 

 Алғашқы қоңырау – білімге бастар қадам!

  Шымкент қаласы білім басқармасына қарасты №66 «Қазығұрт» жалпы орта білім беретін мектебі  2025–2026 оқу жылының алғашқы қоңырауы соғылып, «Мектебім – мейірім мекенім» атты салтанатты жиын өткізілді.

   Бұл күн – мектеп табалдырығын алғаш аттаған бүлдіршіндер үшін қуаныш пен толқу сәті, ал ұстаздар мен ата-аналар үшін үміт пен сенімнің нышаны.

 Іс-шараға арнайы келіп, мерекелік шарамыздың сәнін келтірген қадірлі қонақтарымыз:

1.Тұран ауданы әкімінің аппарат басшысы Қалмырзаев Бақберді Әмзеұлы

2.Қалалық білім басқармасының әдістемелік орталығынан – Коздигарина  Женис  Сергеевна;

3.«AMANAT» партиясы Тұран аудандық филиалының Атқарушы хатшысы – Бертаев Есімхан Қалмаханович;

4.Қамқоршылық кеңестің төрағасы – Әдәуәлі Нұржан Боршұлы;

5.Ата-аналар комитетінің төрағасы – Даулбаев Баймахамбет Мамбетұлы;

6.Ардагер ұстаз – Бесбаева Шолпан Ақбөпекқызы;

   Мектебіміздің директоры – Ширтаева Найла Рапихақызы 1 сынып оқушылары мен ата-аналарды  арнайы құттықтады.

 Мақсаты:

Жаңа оқу жылын салтанатты түрде ашып, мектеп табалдырығын алғаш аттаған оқушыларды мейіріммен қарсы алу, білімге деген құштарлықты арттыру.

 Міндеті:

-Жас ұрпақтың бойына ізгілік пен отансүйгіштік қасиеттерін қалыптастыру;

-Білім ордасының тәрбиелік мәнін айшықтау;

-Шәкірттердің жаңа белестерге ұмтылысын қолдау.

 Қорытындысы:

Алғашқы қоңырау – арман мен үміттің бастамасы. Жаңа оқу жылында мектебіміздің шәкірттері биік жетістіктерге жетіп, еліміздің абыройын асқақтатады деп сенеміз!\

 26 мамыр күні мектепішілік "БАЛДӘУРЕН " жазғы сауықтыру орталығының ашылу салтанаты өткізілді. 

    Жазғы демалыс – балалар үшін демалып, денсаулығын нығайтып, жаңа достар тауып, қызықты уақыт өткізетін ерекше кезең. Осыған орай Қазақстан Республикасы Оқу-ағарту министрінің 2024–2026 жылдарға арналған әдістемелік ұсынысына сәйкес, 2025 жылдың жазғы мезгілінде оқушылардың демалысын тиімді өткізу мақсатында арнайы шаралар қолға алынды.

Мақсаты:

Балалардың жазғы демалысын мазмұнды әрі пайдалы ұйымдастыру, олардың бос уақытын тиімді өткізуіне жағдай жасау, шығармашылығын дамыту, достық қарым-қатынас орнатуға мүмкіндік беру және еңбекке баулу арқылы тәрбиелік бағытта қолдау көрсету.

    Осы мақсатта мектебімізде "Қош келдің, көңілді жаз!" және "Келіңдер, танысайық!" тақырыптарында мектепішілік "Балдаурен" жазғы сауықтыру орталығы өз жұмысын бастады. Орталықта оқушыларға арналған түрлі қызықты ойындар, шығармашылық үйірмелер, спорттық жарыстар, өнер сайыстары және танымдық экскурсиялар ұйымдастырылды. Балалар әр күнін ерекше көңіл-күймен қарсы алып, белсенді қатысып келеді. Сонымен қатар экологиялық, патриоттық, зияткерлік бағыттағы жобалар арқылы балалардың жан-жақты дамуына жағдай жасалуда. Тәрбиелік сағаттар мен тренингтер арқылы оқушылардың адамгершілік қасиеттері де қалыптасып жатыр.

Қорытынды:

"Балдаурен" жазғы сауықтыру орталығы – балалар үшін есте қаларлықтай әсерлі демалыс орнына айналды. Бұл орталық тек демалыс емес, достық пен тәрбиенің, шығармашылықтың, шаттықтың мекені болды. Осындай игі бастамалар оқушылардың жазғы демалысын жарқын етіп, болашаққа сеніммен қарауына жол ашары сөзсіз.

   Мектеп бітіруші түлектерге алғыс айту, олардың жүрегінде мектепке, ұстазға, достарға деген жылы естеліктерді қалдыру, тәрбиелік мәні зор ризашылық сезімін қалыптастыру және түлектерге сәт-сапар тілеу.

   Салтанатты жиын барысында мектеп директоры Ширтаева Найла Рапихақызы мен ұстаздар жүрекжарды тілектерін білдірді. Түлектер ұстаздарға алғыс айтып, арнау өлеңдер оқып, ән шырқап, әсерлі қойылымдар көрсетті. Сынып жетекшілер өз шәкірттеріне ақ баталарын беріп, болашақ жолына бағыт-бағдар айтты.

   Қасым-Жомарт Тоқаев  "Мен 2025 жылды Жұмысшы мамандықтары жылы деп жариялаймын". – деп өзінің халыққа жолдлауында жариялады. Осы уақыт ішінде техникалық және кәсіби білім беру жүйесін реформалау қажет. Сондай-ақ біз жұмысшы мамандықтарын дәріптеу арқылы қоғамда еңбекқор және нағыз маман дайындаймыз дегендей  әр кәсіп маман иелері салтанатты жиынымыздың арнайы қонақтары болды 

Атап айтсақ:

1.Тұран  ауданы әкімінің орынбасары Бекбол Аманжол Бақытжанұлы 

2. Аманат партиясы Тұран аудандық филиалының атқарушы хатшысының уақытша міндетін атқарушы  Бұхарбаева Гүлнұр Жорабекқызы 

3. Қалалық білім басқармасының әдіскері Мамбетова Асел Искендеровна 

4. Қамқоршылық кеңестің төрағасы Әбдуәлі Нұржан  Борашұлы 

5. Ата-ана комитетінің төрағасы Дауылбаев Баймағамбет Мамбетович 

6. Төтенше жағдай департаментінің қызметкері Дүйсенов Құрасбек

6. Зейнеткер ұстаз Қасымбекова Бағила Есиркеповна 

7. Зейнеткер ұстаз Рысқұлова Әтіркүл Шадиярқызы. 

Қонақтарымыз  ұстаздар қауымына ризашылықтарын жеткізіп, бітіруші түлектерге сәт сапар тіледі. 

Қорытынды:

"Мектебім, саған мың алғыс!" атты жиын түлектердің жүрегінде мәңгі сақталатын естелікке айналды. Бұл – білім ордасымен қоштасудың, үлкен өмірге алғашқы қадам жасаудың символы. Түлектерге сәт-сапар тілеп, жарқын болашақ пен үлкен жетістіктер жолында тек алға басуға тілек білдіреміз.

  Шымкент қаласы білім басқармасына қарасты N66 "Қазығұрт"  жалпы орта білім беретін мектебі  Білім басқармасының  2025 жылғы 01 сәуіріндегі N902 хатының негізінде   ҰЛЫ ЖЕҢІСКЕ 80 жыл  толуына орай 2025 жылдың 06 мамыр күні  "Сарбаздар ән салғанда" тақырыбында "Жас сарбаздар шеруі" саптық шеруі өткізілді.

  Оқушылар  Батыр бабаларымыздың ерлігіне тағзым етіп, кейінгі ұрпаққа үлгі ету — біздің парызымыз екенін көрсете білді.

Іс-шараның мақсаты — оқушыларға патриоттық тәрбие беру, ардагерлерге құрмет көрсету, ел үшін жанын пида еткен ерлердің ерлігін еске алу және ұрпақ жадында сақтау. Сонымен қатар оқушылар бойында елге, жерге, Отанға деген сүйіспеншілікті арттыру.

Іс шараға арнайы Ауған соғысының ардагерлері келді .

1.Шынтасов Қуаныш 

2.Куралбаев Шадияр

Мектеп директоры Ширтаева Найла Рапихақызы арнайы құттықтау сөз сөйледі. 

Қорытынды:

Іс-шара – Отан алдындағы ерлік пен борышты дәріптеу. Ұрпақ жадында батыр бабалар есімі мәңгілік сақталады. Олардың ерлігі — ұрпаққа үлгі, тәуелсіз еліміздің тірегі.

   Бұл атау тек ата-ана, мұғалім және оқушы арасындағы өзара байланыс қана емес, бұл – бірлік, сенім мен түсіністікке негізделген үштаған, ұрпақ болашағының тұғыры.

Мақсаты:

Мектеп пен ата-ана арасындағы тығыз байланыс пен ынтымақтастықты нығайту;

Оқушы тәрбиесінде үшжақты бірлескен әрекеттің маңызын көрсету;

Білім беру үдерісіндегі ашықтық пен сенімді арттыру;

Мектеп өмірімен таныстырып, ортақ жетістіктерді бөлісу.

Мазмұны:

Ашық есік күні аясында ата-аналар оқу кабинеттерін аралап, оқушылардың шығармашылық және ғылыми жобаларымен танысады. Сонымен қатар ашық сабақтар, спорттық сайыстар, өнер көрсету, үйірме жұмыстары, психологиялық тренингтер, пікір алмасу алаңдары ұйымдастырылады. Бұл күн – ата-анаға өз баласының мектептегі даму бағытын көруге, ал ұстаз бен оқушыға қолдау сезінуге мүмкіндік беретін маңызды сәт.

«Үштік одақтың үйлесімі – жарқын болашақ кепілі» атты Ашық есік күні аясында өткізілетін іс-шаралар бағдарламасы:

1. Қонақтарды қарсы алу, тіркеу

Ата-аналарды мектепке қарсы алу, тіркеу парағына жазу

«Ұлттық қазына» бұрышы: ұлттық құндылықтар көрмесімен таныстыру

2. Күй тарту сәті

«Ер Тұран», «Адай» күйлерінің орындалуы

3. Шығармашылық өнер

«Жас домбырашылар» тобының өнер көрсетуі

4. «Тәжірибе алаңы» көрмесі

Оқушылардың жобалық, шығармашылық жұмыстарынан көрме

5. Білімге арналған бұрыш

«Білім – қымбат қазына, қанағат тұтпа азына»: оқушылардың оқу үлгерімін көрсету

6. Кітап – білім кілті

«Білімнің қайнар бұлағы – кітап» көрмесі

«Артық ғылым кітапта, ерінбей оқып көруге...» Абай даналығына негізделген танымдық бөлім

7. Тәрбие бағыты

«Тәрбие – тал бесіктен басталады» тақырыбында тренинг-сабақ

8. Инклюзивті білім беру

«Ерекше білім беруді қажет ететін оқушылармен жұмыс жасау тәсілдері» тақырыбындағы таныстырылым

9. Зияткерлік даму бөлімі

Ментальді арифметика бойынша шеберлік сабағы

10. Қорытынды бөлім

«Ата-анам – асыл жаным, шын жүректен алғыс айтам!» атты концерттік бағдарлама. 

   Іс-шара барысында  Мектеп директоры Ширтаева Найла Рапихақызы өз сөзінде : 

    «-Бүгінгі ашық есік күні – білім мен тәрбие берудегі бірліктің, сенім мен серіктестіктің нақты көрінісі. Үштік одақтың – ата-ана, ұстаз, оқушы арасындағы үйлесімі мықты болса, ұлт болашағы жарқын, еліміздің ертеңі сенімді болмақ. Бірігіп атқарған әрбір іс — үлкен нәтижеге бастайды. Сіздерге шынайы алғысымызды білдіре отырып, бала болашағы жолындағы ортақ жұмыста табыс тілейміз!»

    Шымкент қаласы білім басқармасына қарасты Тұран ауданы №66 "Қазығұрт" жалпы орта білім беретін мектебінде 

2025 жылдың 28 ақпанында  маңызды іс-шара өткізілді! 

1-кезең – Біртұтас тәрбие бағдарламасы аясында "Даналық" мектептің  ашылу салтанаты өткізілді. 

Бұл жоба – оқушылардың рухани-адамгершілік тәрбиесін нығайтып, ұлттық құндылықтарды бойларына сіңіру мақсатында ұйымдастырылды.

 2-кезең – Білім алушылардың Өзін-Өзі басқару кеңесі "ЖҮРЕКТЕН ЖҮРЕККЕ" атты ерекше іс- шара өткізді. 1-  Наурыз –" Алғыс айту" күніне орай ардагер, зейнетке шыққан ұстаздарымызға арналған "Әлемнің жарығы – Әке-Ана" атты мерекелік концерттік бағдарламасы ұйымдастырылды.

 Бұл шараның басты мақсаты – өмірін білім мен тәрбиеге арнаған ұстаздарға құрмет көрсету, жастарға үлкенді сыйлаудың маңызын ұғындыру. Ардагер ұстаздарымызға ақжарма тілектер айтылып, оқушылар өз өнерлерін паш етті.

Мектеп басшысы Ширтаева Найла Рапихақызы қорытынды сөз сөйлеп барша ардагер ұстаздарға алғыс білдірді. 

Ұстазға құрмет – мәңгілік!

Семинардың мақсаты: "Бейіндік мектеп" пилоттық жобасын жүзеге асыру; кәсіп таңдаудың маңыздылығын түсіндіру, оқушыларға кәсіптік бағыт-бағдар беру әдістері мен құралдарын ұсыну және мүдделері мен қабілеттері, жеке ерекшеліктеріне сәйкес тиімді кәсіптік кеңес беруді қамтамасыз ету, жоғары оқу орындарының мамандарымен тығыз байланыс орнату.

 Семинарды мектеп директоры Н.Р.Ширтаева ашып,  семинарға қатысушыларға, қонақтарға сәттілік тіледі. Шымкент қаласы ҚББ Әдістемелік орталығының әдіскері А.А.Кисабекова "Ғылым мен техникадағы инновациялар" тақырыбында баяндамасын ұсынды. Семинар барысында педагог қызметкерлер психологиялық тренинг, сайыс сабақ, шебер-сабақ, коучинг сабақ, дебат ойындарын жоғары деңгейде көрсете білді. Сондай-ақ пилоттық жобадағы 7 "А" сыныбымен қазақ тілі мен әдебиеті пәні мұғалімі Ш.А Нурсеитова "Абай тағылымы-даналық шырағы" тақырыбында әдеби кеш өткізіп, әріптестерімен тиімді әдіс-тәсілдерімен бөлісті. 

Семинарды қорытындылай отырып, арнайы шақырылған жоғары оқу орындарының мамандары мен оқушылар арасында ашық алаң сұрақ-жауап кезеңі өз нәтижесін берді.

18 ақпанында  жылдық жоспарға сәйкес

 9 "а, ә,в " сыныптары Кеңес әскерлерінің Ауғанстан жерінен шығарылғанына 36 жыл толуына орай ,  Ауған соғысына қатысқан атқыш-оператор, пулеметші Усенов Бахытжан Мыктыбековия және ротаның күзетші атқышы Каримбаев Исатай Меңдибаев ағаларымыздың қатысуымен іс-шара өткізілді.