ТІЛ ЖӘНЕ ТЕХНОЛОГИЯ: ТІЛДІҢ ЖАҢА ТЫНЫСЫ

 «Language in the Age of AI: Opportunity or Threat?»

 №66 «Қазығұрт» жалпы орта білім беретін мектебінде «Тіл және технология: тілдің жаңа тынысы» тақырыбындағы онкүндік іс-шаралар жоспарына сәйкес, 10-сынып оқушылары арасында «Language in the Age of AI: Opportunity or Threat?» тақырыбында ағылшын тілінде пікірсайыс ұйымдастырылды.

 Тақырыбы:

«Language in the Age of AI: Opportunity or Threat?»

«Жасанды интеллект дәуіріндегі тіл: мүмкіндік пе, әлде қауіп пе?»

 Мақсаты:

Оқушылардың ағылшын тілінде еркін сөйлеу дағдысын жетілдіру, өз ойын жүйелі әрі дәлелді жеткізуге үйрету, сыни тұрғыдан ойлау қабілетін дамыту және пікірталас мәдениетін қалыптастыру. Сонымен қатар жасанды интеллекттің білім беру мен тіл үйрену үдерісіндегі мүмкіндіктері мен ықтимал қауіптерін саралау.

 Міндеттері:

 ағылшын тілінде коммуникативтік дағдыларды дамыту;

 өз көзқарасын нақты дәлелдер мен мысалдар арқылы қорғауға үйрету;

 сыни және аналитикалық ойлау қабілетін жетілдіру;

 қарсы пікірді тыңдау, сұрақ қою және оған сауатты жауап беру мәдениетін қалыптастыру;

 жасанды интеллекттің тіл үйренудегі тиімді мүмкіндіктерін анықтау;

 AI технологияларының адам шығармашылығына, тілдік дағдыларға және дербес ойлауға ықпалын талдау;

 оқушылардың көшбасшылық және топпен жұмыс жасау қабілеттерін арттыру.

 Пікірсайыс барысында оқушылар екі бағыт бойынша өз ұстанымдарын қорғады:

 AI – OPPORTUNITY — жасанды интеллектті білім алу мен тіл үйренудегі жаңа мүмкіндік ретінде қарастыру;

 AI – THREAT — жасанды интеллекттің адам шығармашылығына, тілдік дағдыларға және дербес ойлауға әсер етуі мүмкін қауіптерін талдау.

 Оқушылар пікірсайыс барысында ағылшын тілінде өз ойларын еркін білдіріп, нақты дәлелдер мен өмірлік мысалдар келтірді. Қарсы тараптың пікірлеріне жауап беріп, сауалдар қойып, өз көзқарастарын сенімді түрде қорғады.

 Қорытынды:

Пікірсайыс — тек тілдік білімді жетілдіру алаңы ғана емес, ойлануға, ізденуге, талдауға және өз пікірін мәдениетті түрде қорғауға үйрететін маңызды орта болды. Іс-шара нәтижесінде оқушылардың ағылшын тіліндегі сөйлеу мәдениетімен қатар, сыни ойлау, зерттеу, көшбасшылық және командалық жұмыс дағдылары да дами түсті.

 Технология — құрал, ал оны қалай пайдалану — адамның таңдауы. Тіл мен технология үндескен заманда білімді ұрпақтың басты қаруы — дербес ой, сауатты тіл және саналы таңдау!

 Жауапты мұғалімдер:

Менлибаева Д.А.

Рустем А.Қ.