БІЛІМГЕ БАСТАР АҚЖОЛ! — ЖАҢА ОҚУ ЖЫЛЫНА АЛҒАШҚЫ ҚАДАМ

 БІЛІМГЕ БАСТАР АҚЖОЛ! — ЖАҢА ОҚУ ЖЫЛЫНА АЛҒАШҚЫ ҚАДАМ

 1 сентябрь – Білім күніне арналған «Таза Қазақстан: Жаңа Конституция құндылықтары – экологиялық мәдениет пен жауапкершіліктің негізі!»

«Адал Азамат, Білімді ұрпақ: жаңа оқу жылына алғашқы қадам» атты салтанатты іс-шара №66 «Қазығұрт» жалпы орта білім беретін мектебінде жоғары деңгейде ұйымдастырылды.

 Жаңа оқу жылы – әр шәкірт үшін жаңа үміттің, жаңа арманның, жаңа мүмкіндіктердің бастауы. Ал алғашқы қоңырау – білім әлеміне бастайтын қасиетті жолдың алғашқы үні.

 Іс-шараның мақсаты:

Оқушылардың бойында білімге деген құштарлықты арттыру, Отанға деген сүйіспеншілік пен азаматтық жауапкершілікті қалыптастыру, Конституциялық құндылықтарды, адалдықты, еңбекқорлықты және экологиялық мәдениетті дәріптеу.

 Міндеттері:

 білім мен ғылымның адам өміріндегі маңызын насихаттау;

 өскелең ұрпақты елжандылыққа, жауапкершілікке, адалдыққа тәрбиелеу;

 табиғатты аялау, қоршаған ортаны қорғау мәдениетін қалыптастыру;

 мектеп, ата-ана және қоғам арасындағы ынтымақтастықты нығайту;

 жаңа оқу жылына көтеріңкі көңіл-кдоммен ізгі ниет қалыптастыру.

 Салтанатты жиынға арнайы қонақтар қатысты:

 Ардагер ұстаз – Утебаева Мариям Смайлқызы;

 Тұран ауданы әкімшілігінің өкілі – Досан Римма Құдайбергенқызы;

 Попечительский совет төрағасы – Әбдуәлі Нұржан Борашұлы;

 Ата-аналар комитетінің төрағасы – Дауылбаев Баймахамбет.

 Құрметті қонақтар жас бүлдіршіндерге ізгі тілектерін арнап, жаңа оқу жылының сәтті басталуына ақжолтай лебіздерін білдірді.

 Мектеп директоры Ширтаева Найла Рапихақызы да салтанатты жиын барысында барша ұстаздар қауымын, ата-аналарды және білімге алғаш қадам басқан 1-сынып оқушыларын жаңа оқу жылымен құттықтап, жүрекжарды ақ тілегін жеткізді.

 «Бүгін мектеп табалдырығын алғаш аттаған бүлдіршіндер үшін бұл күн – өмірлеріндегі ең маңызды күндердің бірі. Ақ жол, кішкентай достар! Білім жолындағы әр қадамдарың нық, әр армандарың асқақ болсын. Ұстаздарымызға шығармашылық табыс, ата-аналарымызға отбасылық амандық, ал барша шәкірттерімізге биік белестер мен жарқын жеңістер тілеймін!» – деген ізгі тілегін білдірді.

 Алғашқы қоңырау үні жаңа оқу жылына нық қадам басқан барша шәкіртке сәттілік пен қуаныштың жаршысы болды.

 Таза Қазақстан – таза ойдан, таза жүректен, таза әрекеттен басталады.

 Адал азамат – білімді ұрпақтан қалыптасады.

 Ал білімді, тәрбиелі, жауапты ұрпақ – елдің жарқын болашағы!

 Жаңа оқу жылы әр шаңыраққа қуаныш, әр ұстазға шабыт, әр шәкіртке білім мен жеңіс әкелсін!

Ақ жол, жаңа оқу жылы!

Ақ жол, білім әлеміне алғашқы қадам басқан бүлдіршіндер!