БІРЫҢҒАЙ ТӘРБИЕ САҒАТЫ

Қазақстан Республикасының Конституциясы: Адал азамат, зерделі ұлт және жауапты қоғам қалыптастырудың негізі»

 1 сентябрь 2026 жыл

 №66 «Қазығұрт» жалпы орта білім беретін мектебі

 Жаңа оқу жылының алғашқы күнінде мектептің 1–11 сыныптарында бірыңғай тәрбие сағаты ұйымдастырылып, барлық сынып оқушылары толық қамтылды.

 Мақсаты:

Білім алушыларға Қазақстан Республикасының Конституциясы туралы терең түсінік қалыптастыру, Ата Заңның ел өміріндегі айрықша орнын ұғындыру, конституциялық құндылықтарды қастерлеуге баулу.

Жас ұрпақтың бойына отансүйгіштік, адалдық, әділдік, жауапкершілік, заңға құрмет, азаматтық сана секілді асыл қасиеттерді сіңіріп, ел болашағына бейжай қарамайтын саналы тұлға тәрбиелеу.

 Мазмұны:

Тәрбие сағаттары барысында оқушыларға Қазақстан Республикасының Конституциясы – мемлекеттің берік құқықтық негізі, ел бірлігі мен тұрақтылығының кепілі, әр азаматтың құқықтары мен бостандықтарын қорғайтын басты құжат екені кеңінен түсіндірілді.

Сабақ барысында Конституцияның тарихи маңызы, азаматтардың құқықтары мен міндеттері, заң мен тәртіптің қоғам өміріндегі орны туралы мазмұнды әңгімелер қозғалды.

 Сонымен қатар «Адал азамат», «Зерделі ұлт», «Жауапты қоғам» ұғымдарының мәні ашылып, олардың өзара сабақтастығы талқыланды.

Оқушылар адал азамат болу – тек жақсы білім алумен шектелмей, елін сүю, заңды құрметтеу, өз ісіне жауап беру, еңбекті бағалау, өзгеге құрметпен қарау және қоғам игілігіне үлес қосу екенін түсінді.

 Әр сыныпта оқушылардың жас ерекшеліктеріне сай пікір алмасулар, сұрақ-жауаптар, ойтолғаулар мен тәрбиелік тапсырмалар ұйымдастырылып, білім алушылар өз ойларын ортаға салды.

 Қорытынды:

Конституция – мемлекеттің ғана емес, әр азаматтың өмірімен сабақтас құндылық. Ата Заңды білу – өз құқығыңды тану болса, оны құрметтеу – туған ел алдындағы жауапкершілікті сезіну.

 Бүгінгі ұрпақтың санасына сіңген әрбір ізгі құндылық – ертеңгі қоғамның берік іргетасы.

 Адал азамат тәрбиелеу – ел болашағын тәрбиелеу.

Зерделі ұрпақ қалыптастыру – ұлттың ертеңін қалыптастыру.

Жауапты қоғам құру – әрқайсымыздың ортақ міндетіміз.

 Тәрбие сағаты оқушыларға Конституциялық құндылықтарды құрметтеудің маңызын ұғындырып, еліне адал қызмет ететін, білімді, саналы әрі жауапкершілігі жоғары азамат болуға ұмтылыс қалыптастырған тағылымды тәрбие алаңына айналды.

 Ата Заңымыз айбынымызды асқақтатып, ел бірлігін бекемдей берсін!

Білімді де тәрбиелі ұрпақ – Қазақстанның жарқын болашағы!