«Тәуелсіздік тұғырым»
Шымкент қаласы білім басқармасына қарасты №66 «Қазығұрт жалпы орта білім беретін мектебінде ағымдағы жылдың 18-23 қазан аралығында «Тәуелсіздік тұғырым» атты эстетикалық пәндер бірлестігінің апталығы ашылды. Басты мақсат – өскелең ұрпақтың адамгершілік-патриоттық, азаматтық жауапкершілік сезімдерін ояту, жас ұрпақты отанын, елін, жерін сүюге тәрбиелеу, балаларды жалпыазаматтық құндылықтарға және мәдениетке тарту, сондай-ақ талапты шәкірттердің суретшілік өнерін дамытуға және көпшілікке насихаттауға бағытталған болатын. Оқушыларының арасында сурет байқауы ұйымдастырылды. Шығармашылық жұмыстардың үздіктері «Сұлу мүсін», «Ең көркем сурет», «Ең мазмұнды жұмыс» аталымдары бойынша анықталып, орын иегерлері марапатталды.Тәуелсіздігіміздің отыз жылдығына орай «Тәуелсіздік тұғырым» тақырыбындағы іс –шарада ашық тәрбие сағаттары мен ашық сабақтар, қолдан жасалынған бұйымдардан көрмелер қойылды.
#Тәрбие_Шымкент_әдістемелік_орталығы
