1 – қыркүйек Білім күніне арналған «Мектебім — мейірімділік мекені» атты салтанатты жиыны

№66 "Қазығұрт " жалпы орта білім беретін мектебі бойынша 1 – қыркүйек Білім күніне арналған «Мектебім — мейірімділік мекені» атты салтанатты жиын болып өтті. 
Мерекелік іс-шараның қонақтары Қазақстан Республикасы Оқу-ағарту министрлігінің Білім саласындағы сапаны  қамтамасыз ету комитетінің  Шымкент  қаласының білім саласында сапаны қамтамасыз ету департаменті мемлекеттік мекемсінің  басшысы  Шамшиева Нургуль Ақылбековна , Әбдуәлі Нұржан Борашұлы - Қамқоршылық кеңестің төрағасы,  Дауылбаев Баймаханбет   Мәмбетович – Қамқоршылық кеңесінің  мүшесі , Рахимшаева Роза  - ардагер ұстаз.
Салтанатты іс-шарада мектеп директоры Ширтаева Найла Рапихақызы, қонақтарымыз мектеп шәкірттері мен ұстаздарға мерейі үстем жыл болуына, мектеп табалдырығын алғаш аттағалы отырған бүлдіршіндер мен 11 сынып оқушыларына биылғы оқу жылында білімнің асқақ шыңына  көтеріліп, мол табыстар мен ізденістерге жете берулеріне тілектестігін білдіріп, жаңа оқу жылына сәттілік тіледі. Мерекелік жиын мектеп оқушыларының концерттік бағдарламасымен жалғасын тауып, жаңа 2023-2024 оқу жылының алғашқы қоңырауы да соғылды. Салтанатты жиынның соңы 1-11 сынып оқушыларына білімге ұмтылу, отаншылдық, еңбексүйгіштік құндылықтарының адам өміріндегі рөлін талқылау мақсатында «Мектебім — мейірімділік мекені» тақырыбында республикалық  сынып сағаттарымен жалғасын тапты.