Ана тілі пәнінен "Жуан және Жіңішке жұп дауыстылар. Отан" тақырыбындағы ашық сабақ

Шымкент қаласы Білім басқармасына қарасты N66 «Қазығұрт» жалпы орта білім беретін мектебінде 2023-2024 оқу жылының жұмыс жоспарына сәйкес, "Бала шақтан-болашаққа" атты бастауыш сыныптары апталығының жоспары бойынша бастауыш сынып мұғалімі Турлыбаева Хадича Турсынбаевна 2024 жылы 24 қаңтар күні ана тілі пәнінен "Жуан және Жіңішке жұп дауыстылар. Отан" тақырыбында ашық сабақ өткізді. "Қуанамын мен де" өлеңі арқылы психологиялық ахуал орнатты. Оқушыларды "сыйлық" әдісі арқылы 3 топқа бөліп, өткен сабақты "Алтын сандық" әдісі бойынша пысықтады. Жаңа тақырыпты "Үстел үсті" ойынын асықтар арқылы таныстырды. "Ұшақ" әдісі арқылы оқушылар Республикамыздың бас қаласы Астана қаласы туралы өз ойларымен бөлісті.  Сондай-ақ, сабақ барысында "Жұмыртқа ашу" әдісі, "Бургер" әдісі, "Кім жылдам?" ойындары әсерінен оқушылардың сабаққа деген қызығушылықтары артты. Сергіту сәті "Көңілді күн" әнімен орындалды. Балалар мұғаліммен бірге қосылып ән шырқап, жаттығу жасады. "Паровоз" ойыны арқылы саралау тапсырмасы берілді. Мақсаты: Жуан және жіңішке жұп дауыстыларды танып, ажырата білу. "Керуен" әдісі арқылы кері байланыс алынды.