Математика пәнінен «Көбейту амалының компоненттері арасындағы өзара байланыс» тақырыбындағы ашық сабақ

Шымкент қаласы Білім басқармасына қарасты №66 “Қазығұрт“ жалпы орта білім беретін мектебінде 2023-2024 оқу жылының жұмыс жоспарына сәйкес, “Бала шақтан - болашаққа “ атты бастауыш сыныптары апталығының жоспары бойынша бастауыш сынып мұғалімі Рустемова Алмагуль Амангельдиевна 2024 жыл 24 қаңтар күні 2 «Б» сыныбында математика пәнінен «Көбейту амалының компоненттері арасындағы өзара байланыс» тақырыбында ашық сабақ өткізді. «Математика қызық пән» өлеңі арқылы психологиялық ахуал орнатты. Қатар бойынша топқа біріктіріп, өткен тақырыпты қайталау мақсатында үй тапсырмасын сұрады. Сұрақты фигуралар әдісі арқылы пысықтау сұрақтарына жауап алып, фигуралардан өрнек құрып жаңа сабақпен байланыстырды. Үшбұрыш әдісі арқылы тапсырмаларды орындады. Топтас әдісі арқылы үш топқа тапсырма беріліп, 1-топ есеп құрастырды, 2-топ өрнек құрып олардың мәнін тапты, 3-топ есепті салыстырды.  Сәйкестендіру әдісі арқылы саралау тапсырмасы берілді. Сабақты қорытындылауға шығармашылық жұмыс берілді, оқушылар мақалды тауып әріптерді орнына қойды. Мақсаты: Көбейту амалының мәндерін тауып оларды салыстыру.Амалдарды орындау. Өрнектерді мәндерімен сәйкестендіру.