21
тамыз
2023
«МЕЙІРІМДІЛІК –ЖҮРЕКТЕН»
Шымкент қалалық прокуратурасы Шымкент қалалық білім басқармасымен бірлесен жоспарына сәйкес, №66 «Қазығұрт» жалпы орта білім беретін мектебінде 25 сәуір -25 мамыр аралығында «МЕЙІРІМ -ЖҮРЕКТЕН» атты айлығы жүргізілді. 26.05.2023ж күні қорытындылау кезеңі өткізіліп, ONTUSTIK PABAT газетіне «Мейірімділік –жүректен » тақырыбында мақала жарияланды.
Мақсаты: Жасөспірімдер арасында құқықбұзушылықтың, жыныстық тиіспеушілігіне қарсы қылмыстардың профилактикасы, сондай-ақ өзіне-өзі қол жұмсау фактілерін болдырмау және өмір қауіпсіздігін сақтау.
Өткізілген іс -шаралар
1. Челлендж
«Мейірімділік жүректен». 25.04.2023ж.
Жалпы қалалық ата-аналар жиналысын өткізу күні
2. Білім сайысы. «Мейірімділік - жүректен, қайырымдылық - білектен» тақырыбында 9-11сынып оқушыларымен шығарма
«Жүректі жылытар мейірім» тақырыбында 5-8 сынып оқушыларымен мазмұндама, «Мейірімділік – асыл қасиет» тақырыбында 2-4 сынып оқушыларымен диктант 26.04.2023ж
3. Отбасылық челлендж
«Мейірімділік отбасынан басталады» 27.04.2023ж.
4. Отбасылық челлендж
«Мейірімділік отбасынан басталады» 28.04.2023ж
5. Бейнероликтер, фотосуреттер, қылқалам туындылары, жазбалар челленджі
«Мен буллингке қарсымын!» 02.04.2023ж
6. Галстуксыз бір сағат
1. Белгілі қоғам қайраткерлерімен, жетістікке жеткен танымал тұлғалармен кездесу.
2. Сынып сағатында тақырыпқа байланысты тележобалар мен деректі фильмдерді көрсету, талқылау. 03.05.2023ж
7. Құқықтық сағат
Аудандық жасөспірімдер прокуратура, полиция қызметкелерінің 8-11 сынып оқушылармен кездесуі.
Тақырыпқа байланысты тележобалар мен деректі фильмдерді талқылау 04.05.2023ж
8. 1. Ата-аналармен сынып сағаты.
«Мейірімділікті өзіңнен баста!».
2. Әкелер, аналар кеңесінің, ұлдар, қыздар клубының жұмысы туралы әлеуметтік желілерде ашық есеп беру күні. 05. 05. 2023ж
9. 1. Құқық қорғау және әскери қызметкерлерімен кездесу күні
«Ұранды елдің - ұрпағы қайсар»
2. «Мен-Отан қорғаушымын!» 10.05.2023ж
10. 1. «Кибербуллинг құрбаны» тақырыбында Ювеналдық полиция қызметкерлерінің оқушыларымен кездесуі.
2. Сынып сағатында тақырыпқа байланысты тележобалар мен деректі фильмдерді көрсету, талқылау. 11.05.2023ж.
11. 1. Медицина қызметкерлерімен кездесу күні.
2. Тақырыпқа байланысты тележобалар мен деректі фильмдерді талқылау. 12.05.2023ж.
12. Прокурор сағаты
Қала, аудан прокурорларының
8-11 сынып оқушылармен онлайн кездесуі 15.05.2023ж.
13. 1. Тәрбие сағаттар шеруі
«Мейірім жүректен бастау алады».
2. Сынып сағатында тақырыпқа байланысты тележобалар мен деректі фильмдерді көрсету, талқылау.16.05.2023ж
14. «Дебат» пікір сайысын өткізу күні
Жасөспірімдер арасындағы құқықбұзушылық неге өршіп тұр? 17.05.2023ж
15. Аудандық, қалалық есепте тұрған жасөспірімдермен атқарылған жұмыстар есебі, ата-аналарымен кездесу күні.
16. «Оқуға құштар мектеп» жобасы аясында «Достық, мейірімділік» тақырыбындағы үздік кітап оқушы сайысын өткізу күні «Мейірімділік - рухани жан байлығы» 18.05.2023ж.
17. Аудандық прокуратура, полиция өкілдері мен білім саласы қызметкерлерімен бірлескен дөңгелек үстел «Заң – қоғамның негізгі тірегі» 22.05.2023ж
18. 1. Құқықтық сауаттылық күні. Оқушылар арасында құқықбұзушылыққа қатысты нормативтік құқықтық актілерді үздік меңгеруі.
2. Сынып сағатында тақырыпқа байланысты тележобалар мен деректі фильмдерді көрсету, талқылау. 23.05.2022ж
19. «Үштік одақ» жобасы аясында ата-аналарға арналған семинар-тренинг
«Менің айтарым бар» 24. 05.2023ж
20. 1. Жасөспірімдер арасындағы сот процестеріне онлайн қатысу күні. 25.05.2023ж
21. «Достық командасы» еріктілер тобын құру 25. 05.2023ж
22. «Мейірім-жүректен» айлығын қорытындылау 26.05.2023ж
Мейірімділік – ізгіліктің жолы. Жақсылық жасау дегеніміз адамдарға, айналаға, табиғатқа, қайырымдылық пен қамқорлық жасауды, көмек көрсетуді білдіреді. Адамдардың бір-біріне жиі жақсылық жасауы оларды жақындастырады, достастырады. Баланың бойына рухани-адамгершілік қасиеттерді ұялату, жақсы-жаманды ажырата білуге, адамдық асыл қасиеттерді игеруге ықпал етеді. Бір-бірімен қарым-қатынастарын жақсарту, оларды адамгершілікке, имандылыққа. шыншылдыққа, мейірімділікке тәрбиелейді. Жақсылық жасау-адам бойындағы асыл қасиеттердің бірі. Жақсы адам қол ұшын беруге, жәрдем етуге, жанашырлық танытуға, көмек көрсетуге, қолдау жасауға әрдайым дайын тұрады. Риясыз жақсылық жасау-биік адамгершіліктің белгісі. Осы қасиеттер арқылы балалардың шығармашылық қиялын, ой-өрісін, есте сақтап, жүйелі ойлауын дамыта отырып, танымдық, мейрімділік қабілеттерін жетілдіреміз.
«Мейірімді адам» бойындағы қасиеттерді атап өтсек: жақсы адам, ақкөңіл, жаны таза, шыдамды, рақымшыл, жылы жүректі. Енді осындай адам деп кімді айтар едік? деп балалардан сұрасақ. Олар мейірімді жандардың қатарында ең бірінші өздерінің аналары екенін айтады. «Жылы сезім жүректерде сақталады, Мейірімділік тек жүректен басталады», — демекші балалар жүректен шыққан сөздерін, бір-біріне деген жақсы тілектері арқылы жеткізеді, мысалы «сен мейрімдісің,сен ғажайыпсың, сен ақкөңілсің, сен ақылдысың, сенің жүрегің жақсылыққа толы т.б». Осындай жылы лебіздер арқылы балалардың бір-біріне деген сыйластығы артады. Мейірімділік-адамның өзге біреуге жылылығын, ізгі ниеті мен лебізін білдіру көрінісі. Адам бойындағы бағалауға лайық қасиет — ақыл емес. Қайта сол ақылды басқаратын қасиеттер: мінез, жүрек, мейірімділік және таза ой. «Өзіңді-өзің танысаң – істің басы» деп Шәкәрім айтқандай мен өз сабағымда оқушыларға әртүрлі жағдаяттарды өздігінен шешкізе отырып, әңгімелерді талқылап, өз пікірлерін ортаға салу арқылы, өз жүрегіндегі мейірімділікті айту сонымен бірге жүрек жылуын сезіндіре отырып, қайырымдылық, қамқорлық, жанашырлық сияқты адамгершілік құндылықтарды бала кезден бастап олардың жүрегіне жылулықты қалыптастырамын. Сонымен қатар оқушылар өз бойына төмендегідей қасиеттерді сіңіреді. Осылар арқылы мейірімділік, қайырымдылық туралы түсініктерін кеңейтеді. Бір-біріне қамқорлық жасауға жетелейді. Біреудің жанын өз жанындай түсіне біледі, өзіне жақын жандарды бағалайды, сүйе біледі. Сондай-ақ ой толғау, мәтінмен жұмыс, сыни тұрғыдан ойлау, пікірталас арқылы бір-біріне өз ойларын толық жеткізе біледі. Әртүрлі бейнекөрілім көру арқылы оқушылар қамқорлықты, жұбанышын, мейірімін көре отырып, қатыгездік, жаны ашымайтынын көре отырып аяныш сезімдері оянып, ақ пен қараның ара жігін ажыратып, өз ойларын ортаға салып, өз ойларын ашық айта біледі. Бейнекөріністегі жаман қасиеттерді мен жақсы қасиеттерді ажырата біледі. Адам баласының бойындағы әділеттілік, мейірімділік, рақымдылық, адалдық, жомарттық, қонақжайлылық, бауырмалдық, намысқойлық тәрізді ізгі қасиеттерді жүрек ісі деп түйген Абай жүректі негізгі орынға қою арқылы жүректен шыққан осындай адамгершілік қасиеттерді басты орынға қоя білді. Абайдың он төртінші қара сөзінде: «Тірі адамның жүректен аяулы жері бар ма?» Біздің қазақтың жүректі кісі дегені — батыр кісі» деген күрделі философиялық ұғым бар. Яғни, мейірбандылық, тілдің жүрекке көнуі, жаманшылыққа ермеуі — жүректің ісі. Қандай жағдай болмасын жүрегі мен ақылын қоса тыңдай алған адамның іс-әрекеті, сөзі мен ойы сүйіспеншілікке толы болады. Абай атамыз айтқандай жүректі кісі, мейірімді болуға асығайық! Еліміздің болашақ жас ұрпақтарын жан-жақты дамыту да өз қолымызда. Әр оқушының жан дүниесін тануына, әлемге көз жүгіртіп, мейірімділік жасауға бағыттайды. Мейрімділік, адамгершілік құндылықтар бала бойына үлкен мен кішінің арасын- дағы шынайы қарым-қатынас кезінде дариды. Көзге көрінбейтін өте нәзік сезімді, аса құнды қасиеттерді жүректен-жүрекке үзбей жеткізу тек шебер ұстаздың қолынан ғана келеді. Балаға жүрек жылуы қашанда қажет және ол ешқашанда артық болмайды.
Жақсы болсаң, жердей бол,
Бәрін шыдап, көтерген.
Таза болсаң, судай бол,
Бәрін жуып кетірген.
Біреуге жақсылық етсең-
Ол жақсылықты міндет етпе!
М.О. Әуезов
N66 «Қазығұрт» ЖОББМ тәрбие ісі жөніндегі орынбасары Сүлейменов Кайрат Қалданұлы
https://m.facebook.com/story.php?story_fbid=922535545714959&id=100038755650956&mibextid=Nif5oz