«Психологиялық қолдау орталығы» мамандарының қатысуымен жасөспірімдерге психологиялық қолдау көрсету мақсатында өткізілген «АШЫҚ ЕСІК» күні

Шымкент қаласы   №66 «Қазығұрт» жалпы орта білім беретін мектебі 2025 жылдың 11 сәуірінде «Психологиялық қолдау орталығы» маманы Есқазы Алия Сырлыбайқызы мектеп педагог-психологтары Д.А.Сыгаева және А.Қ.Абулова бірлесе отырып  ата-аналар және білім алушылармен кездесіп, психологиялық тренингтер өткізді. «Психологиялық қолдау орталықтың» мақсатымен таныстырып, ата-аналарға психологиялық қызметтің тиімділігін және оның оқу процесіндегі маңыздылығын, көмек көрсету мүмкіндіктерін атап өтті.

 «Жүрек жылуы» тақырыбында ата-аналармен психологиялық тренинг жүргізілді. Мақсаты:  Отбасы тәрбиесіндегі ата – ананың балаға тәрбиелік ықпалын арттыру, тәрбиенің ең тамаша жері отбасы екенін, олардың бала тәрбиесіндегі мүмкіндіктерінің жоғары екенін, баламен жақсы қарым - қатынас орнату, бала тәрбиесіне көп көңіл бөлудің маңыздылығын ашу.Ата-аналар тренингте белсенділік танытып , өз ойларымен бөлісті.

Ата-аналарға және білім алушыларға психологиялық консултациялар жүргізілді. Әрбір қатысушының жеке мәселелері бойынша кеңестер беріліп, психологиялық көмек көрсетілді. Бұл жеке кездесулер әр қатысушының өзін-өзі түсінуі мен дамуы үшін маңызды болды. Ашық есік күні аясында өткізілген тренингтер мен консултациялар білім алушылардың, ата-аналардың және педагогтердің психологиялық жай-күйін жақсартуға ықпал етті. Психологиялық орталықтың жұмысын таныстыру мен психологиялық тренингтер жүргізу осы шараның басты мақсаты болды.