ІІ Республикалық "Оян, қазақ!" шығармашылық байқауы

Шымкент қаласы білім басқармасына қарасты N66 "Қазығұрт"  жалпы орта білім беретін мектебі 2024 жылдың

 12 желтоқсанында Қосымша білім беру оқу салалық орталығының жұмыс жоспарына сәйкес , "Біртұтас тәрбие" бағдарламасы аясында Қазақстан Республикасының Тәуелсіздігіне 33 жыл толуына орай өткізілген "ЖЕТІСТІГІМДІ ЕЛІМЕ АРНАЙМЫН " тақырыбындағы іс-шараға белсене қатысып,  8-сынып оқушылары "Алаш азаматтарының арманы" атты сахналық қойылым көрсетті. Үздік өнер  көрсеткені үшін оқушылар арнайы  мадақтамалармен  марапатталды.

    Сонымен қатар, осы орайда "Мәңгілік ел жастары" қоғамдық қорының ұйымдастыруымен қоғам қайраткері, көрнекті ағартушы Міржақып Дулатұлының атын ел көлемінде дәріптеп, ақынның мол мұрасын жас ұрпақтың жадында қайта жаңғыртуға арналған ІІ Республикалық "Оян, қазақ!" шығармашылық байқауына қатысқан 8-сынып оқушысы  Жомарт Айбарыс жүлделі І орынды иеленіп, арнайы дипломмен марапатталды.

Аталған байқауға дарынды шәкірттерді дайындап, олардың шығармашылық дамуына қосқан үлесі үшін жетекшісі, қазақ тілі мен әдебиеті пәні мұғалімі Курманбекова Ботагоз Кенжебековна Құрмет грамотасымен марапатталды.