«Таза Қазақстан – таза болашақ кепілі!» атты іс-шара

Шымкент қаласы білім басқармасына қарасты №66 «Қазығұрт» жалпы орта білім беретін мектебі Білім басқармасының 05.11.2925 жылғы №10-08-07/7030 хаты негізінде  «Таза Қазақстан – таза болашақ кепілі!» атты іс-шара өткізді. 

 Мақсаты: Бітіруші түлектердің экологиялық мәдениетін арттыру, туған жерге деген сүйіспеншілігін қалыптастыру, табиғатты қорғауға және қоршаған ортаға жауапкершілікпен қарауға тәрбиелеу.

 Міндеті: Табиғатты аялау арқылы экологиялық сана қалыптастыру, мектеп аумағын көгалдандыру және келер ұрпаққа өнеге қалдыру.

 Бүгін  бітіруші түлектері – 11-сынып оқушылары «Таза Қазақстан» экологиялық акциясы аясында мектеп ауласына 20 түп шырша ағашын отырғызды.

Бұл ізгі іс табиғатты қорғау мен экологиялық мәдениетті дамытуға бағытталып, оқушылардың ұйымшылдығы мен азаматтық жауапкершілігін айқындады.

Іс-шараға мектеп басшысы Найла Рапихақызы қатысып, жас түлектерге жылы лебізін білдіріп, әр егілген ағаштың өміршең болып, болашақ ұрпаққа көлеңке сыйлар игілікке айналуын тіледі.

 Қорытынды:

Бітіруші түлектердің отырғызған әрбір шыршасы – олардың мектепке деген сағынышы мен ізгі істерінің естелігі.