“ЗАҢ ЖӘНЕ ТӘРТІП” — ЖАЛПЫ ҚАЛАЛЫҚ АТА-АНАЛАР ЖИНАЛЫСЫ

Шымкент қаласы білім басқармасына қарасты №66 «Қазығұрт» жалпы орта білім беретін мектебінде “Заң және тәртіп” тақырыбында өткен жалпы қалалық ата-аналар жиналысына мектеп директоры Найла Рапихақызы бастаған мектептің ата-аналары белсенді түрде қатысты.

Жиналыс онлайн форматта ұйымдастырылып, Шымкент қаласы әкімінің орынбасары Сәрсен Құранбек , сондай-ақ Шымкент қаласының прокуратурасы өкілдері бірлесіп өткізді.

Жиналыстың негізгі мақсаты – қоғамдағы заң мен тәртіптің маңызын түсіндіру, ата-аналардың бала тәрбиесіндегі жауапкершілігін арттыру және жас ұрпақтың дұрыс бағытта қалыптасуына ықпал ету.

Кездесу барысында:

• Қыз баласының тәрбиесі, ибалығы мен мәдениеті,

• Ұл балалардың жүріс-тұрысы, жауапкершілігі мен тәртібі,

• Жасөспірімдер арасындағы құқықбұзушылықтың алдын алу,

• Ата-ана мен мектеп арасындағы тығыз байланыс мәселелері кеңінен талқыланды.

Жиналыс барысында қоғамдағы тәртіп пен қауіпсіздік – әр отбасының тәрбиесінен басталатыны ерекше атап өтілді. Ата-аналар тарапынан да пікірлер айтылып, өзекті сұрақтарға жауаптар берілді.