ЖАСӨСПІРІМДЕР АРАСЫНДАҒЫ ҚҰҚЫҚ БҰЗУШЫЛЫҚТЫҢ АЛДЫН АЛУ – ОРТАҚ МІНДЕТ

 Өткізілген күні: 1 қыркүйек 2026 жыл

 Өткізілген орны: Мәжіліс залы

 Қатысушылар: 11-сынып оқушылары, мектеп әкімшілігі, сынып жетекшілері

 Кездесуге арнайы қонақтар қатысты:

 Тұран АПБ ҚҚБ кәмелетке толмағандар істері жөніндегі учаскелік полиция инспекторы, полиция капитаны Самат Анарбаев Ханатович;

 Шымкент ҚПД Тұран АПБ ҚҚБ КТІЖ УПИ полиция лейтенанты Абдутаңат Жанатұлы.

 Жиынның тақырыбы:

«Жасөспірімдер арасында құқық бұзушылықтың алдын алу»

 Мақсаты:

Жасөспірімдер арасында құқық бұзушылықтың алдын алу, оқушылардың құқықтық сауаттылығын арттыру, заң талаптарын сақтаудың маңыздылығын түсіндіру және мектептегі тәртіп пен жауапкершілік мәдениетін қалыптастыру.

 Жиын барысында:

 Мектептің ішкі тәртіп ережелері және білім алушылардың міндеттері түсіндірілді;

 Міндетті мектеп формасына қойылатын талаптар туралы ақпарат берілді;

 Жасөспірімдер арасындағы құқық бұзушылықтың алдын алу, оның салдары мен жауапкершілігі жөнінде кеңінен айтылды;

 Оқушылардың және олардың ата-аналарының жеке деректерін қорғау, жеке ақпаратты жария етпеу мәселелеріне ерекше назар аударылды;

 Оқушының ар-намысы мен қадір-қасиетін құрметтеу, кез келген жағдайда балаға қатысты әдептілік пен заң талаптарын сақтау қажеттігі ескертілді;

 Құқық бұзушылықтың алдын алу мақсатында 5–11 сынып оқушыларымен жеке профилактикалық кездесулер ұйымдастыру мәселесі қаралды.

 Жиынды мектеп директорының тәрбие жұмысы жөніндегі орынбасары Сулейменов Кайрат Калданович ашып, күн тәртібіндегі мәселелермен таныстырды.

 Кездесу барысында полиция қызметкерлері жасөспірімдерге заң талаптарын сақтау, өз құқықтары мен міндеттерін білу, қоғамдық орындардағы тәртіпті сақтау және әрбір әрекетіне жауапкершілікпен қарау қажеттігін түсіндірді.

 Қорытынды:

Жас ұрпақтың қауіпсіздігі мен құқықтық мәдениетін қалыптастыру – мектеп, ата-ана және құқық қорғау органдарының бірлескен жұмысының маңызды бағыты. Осындай профилактикалық кездесулер оқушылардың құқықтық сауатын арттырып қана қоймай, олардың жауапкершілігін күшейтуге, тәртіпті сақтауға және қоғамдағы өз орнын дұрыс түсінуге ықпал етеді.

 Бала қауіпсіздігі – баршамызға ортақ жауапкершілік!

 Заңды білу – өз құқығыңды қорғаудың бастауы.

 Тәртіпті ұрпақ – қауіпсіз қоғамның кепілі!