"Асық" үйірмесі

Шымкент қаласы білім басқармасына қарасты N66 "Қазығұрт" жалпы орта білім беретін мектебінде 2024-2025 оқу жылының жұмыс жоспарына сәйкес "Асық " үйірмесі кестеге сай жүргізілуде.

Асық ойыны — қазақ халқының дәстүрлі ойыны. Асық ойыны күндіз де, түнде де ойналады. Күндізгісі – мергендікке, түнгісі – ептілікке баулиды. Иіргенде түскен қалпына қарай асық – алшы, тәйке, бүк, шік деп, ал атуға арнап арнайы қорғасын құйылып жасалғаны – сақа, жақсылары – оңқы аталады. Асық ойынының мынадай түрлері бар: құмар,тәйке,омпы, алшы, хан (хан ату), қақпақыл, т.б. Мысалы, құмар ойынға 2 – 4 адам қатысады. Олардың жақсы жонылып, табаны қайралған төрт асығы болуы керек. Ойыншылар өзара келісіп жеңімпазға жүлде тағайындап алады да кезек-кезек төрт асықты иіреді. Егер иіруші: төрт бүк, не төрт шік, не төрт алшы, не төрт тәйке түсірсе, жүлденің жартысын алады, төрт асық төрт түрлі түссе, онда тігілген жүлдені түгелдей алады. Осылайша ойын жалғаса береді. Асықты мұртынан не жамбасынан тұрғызуды омпы дейді. Омпы ойыны тегіс алаңда, жазық жерде, тіпті үлкен бөлме ішінде де ойнала береді. Ойыншы саны неғұрлым көп болса, ойын соғұрлым қызықты өтеді. Мақсат – көп асық ұтып алу. 

2024 жылдың 17 желтоқсан күні Оқушылардың спортқа деген құлшынысын арттыру мақсатында “Асық” ату ойынынан мектепішілік 7 сынып оқушылар арасында жарыс өткізілд. 

Асық ату ойнынына қатысушылар: 

1 . 7 “А” сынып оқушысы Нұрлыхан Уәлихан l орын иегері

2. 7 “А”  сынып оқушысы 

Асылханов Елдос ll орын иегері

3. 7 “А” сынып оқушысы 

Жүрсін Нұрасыл lll орын иегері 

Үйірме жетекшісі: 

Куанышбаева Гульмира Бейсенгалиевна